La vortlisto de ĉi tiu paĝo: vorto signifo mi mi, ni sina vi, vi ĉiuj ona li, ŝi, ili, ĝi, (ri), oni li (inter subjekto kaj verbo/adjektivo) pona bona, simpla, plibonigi, ripari ike malbona, malica, malsimpla, nenecesa suli granda, grandioza, grava, pligrandigi lili malgranda, malmultaj, juna, malgrandigi kili frukto, legomo, (manĝebla) fungo soweli tera mamulo, besto Ni komencu per la plej baza frazostrukturo en Tokipono: [substantivo] li [substantivo / adjektivo]. En Esperanto tio signifas: [Substantivo] estas [substantivo]. aŭ [Substantivo] estas [adjektivo]. Ekzemple: ona li suli. - (Li/ŝi/ĝi/ili) estas (granda/grava)(j). Kiel vi povas vidi, unuopa vorto povas havi plurajn rilatajn signifojn. En praktika uzado, "ona" kaj "suli" estas pli klaraj pro kunteksto. kili li pona. - (Frukto/legomo/fungo)(j) estas bona(j). Kaj en ĉi tiu ekzemplo, ne havus sencon uzi alian signifon de "pona" ol "bona". La regulo havas escepton. Se la subjekto estas nur "mi" aŭ "sina", oni ne bezonas aldoni la vorton "li". Tial, anstataŭ sina li suli. - Vi estas grava. oni diras sina suli. - Vi estas grava. Ekzercoj Do, kiel vi esprimus ĉi tiujn ideojn? Li estas malgranda. Bestoj gravas. Mi estas granda. Ĝi estas hundo. Vi estas malbona. Respondoj Antaŭa paĝo Ĉefpaĝo Sekva paĝo
